“სიკვდილის დამარცხების ერთადერთი გზა არის ივანიშვილის დამარცხება – ძალიან მალე საქართველოში…” – მიხეილ სააკაშვილი

მძიმე ეპიდემიოლოგიურ მდგომარეობას და სიკვდილიანობის მზარდ დინამიკას ეხმიანება საქართველოს მე-3 პრეზიდენტი მიხეილ სააკაშვილი და აღნიშნულის გამო ბიძინა ივანიშვილის მიმართ მწვავე ნეგატიურ პოზიციას აფიქსირებს:

“წარმოუდგენელია ივანიშვილი, ტიკარაძე, “მუშკეტერები” როგორ იძინებენ ღამე, თუ მართლა რაღაც ადამიანური შერჩათ, იმიტომ, რომ მათი გადაწყვეტილებები პირდაპირ უკავშირდება მრავალი ათასი ადამიანის სიკვდილს – ივანიშვილი და სიკვდილი გახდნენ სინონიმები.

ღმერთის როგორ არ ეშინიათ, როცა მათი გადაწყვეტილების პირდაპირ შედეგად, ყოველ დღე, ამდენი ადამიანი ტანჯვით კვდება.

საქართველო არის პირველ ადგილზე მსოფლიოში, ერთ სულ მოსახლეზე სიკვდილის რაოდენობით, ახლა, მას შემდეგ, რაც მრავალი მილიარდი, რომელიც გამოყო საერთაშორისო თანამეგობრობამ კოვიდთან საბრძოლველად დაიხარჯა, ამათი ვილების მშენებლობაზე.

სიკვდილის დამარცხების ერთადერთი გზა არის ივანიშვილის დამარცხება – ძალიან მალე საქართველოში…“, – წერს ფეისბუქის პირად გვერდზე მიხეილ სააკაშვილი.