“ქართულმა ჯარმა არაერთხელ დაამტკიცა, რომ არის სახელმწიფოს მთავარი დამცველი, დასაყრდენი ძალა” – სალომე ზურაბიშვილმა

ავღანეთში ქართული კონტიგენტის სამშვიდობო მისია დასრულდა. საქართველოს პრეზიდენტმა სალომე ზურაბიშვილმა და პრემიერ-მინისტრმა ირაკლი ღარიბაშვილმა ქართულ სამხედრო დანაყოფს სიტყვით მიმართეს:

,,ქართულმა ჯარმა არაერთხელ დაამტკიცა, რომ არის სახელმწიფოს მთავარი დამცველი, დასაყრდენი ძალა. ჩვენ ვართ მომავალზე ორიენტირებული ქვეყანა და გვაქვს ამბიცია, გავხდეთ მაგალითი სხვებისთვის. საქართველო NATO-ს პარტნიორია, რომელიც სრულად იზიარებს მის ღირებულებებსა და უსაფრთოების პრინციპებს. ქართველმა ჯარისკაცებმა არაერთხელ დაამტკიცეს, რომ ჩვენი ქვეყანა არის საიმედო და ღირსეული პარტნიორი რეგიონალური და გლობალური გამოწვევების დასაძლევად“, – განაცახადა სალომე ზურაბიშვილმა.

,,17 წლის განმავლობაში ჩვენმა ქვეყანამ და ჩვენმა გმირმა სამხედროებმა თავისი ღირსეული წვლილი შეიტანა მსოფლიო მშვიდობის დაცვისა და ტერორიზმის წინააღმდეგ ბრძოლის საქმეში. ეს იყო ჩვენი მებრძოლების თავდადებული ბრძოლა – მათი ღირსეული ბრძოლა, რომელთაც ჩვენს ქვეყანას განუმტკიცეს ღირსეული პარტნიორის, ხოლო ჩვენს ჯარს მამაცი და პროფესიონალი ჯარის სახელი. NATO-ს და ჩვენი საერთაშორისო პარტნიორების ჩართულობით მიმდინარე სამშვიდობო მისიებში. ჩვენი ქვეყნის და ჩვენი ჯარის მონაწილეობა და მსხვილი კონტრიბუცია არის მკაფიო დემონსტრირება, რომ ჩვენი ქვეყანა მზად არის იყოს უსაფრთხოების მიმწოდებელი და ჩვენს პარტნიორებთან ერთად იბრძოლოს გლობალური მშვიდობის დაცვისთვის“, – აღნიშნა ირაკლი ღარიბაშვილმა.

ავტორი
ნინი ხიჯაკაძე