“შემაშფოთებელია ის ინფორმაცია, რაც ნინოწმინდის პანსიონში მცხოვრებ ბავშვებთან დაკავშირებით ვრცელდება” – გიორგი ვაშაძე

პოლიტიკური პლატფორმა “სტრატეგია აღმაშენებლის” თავმჯდომარე, გიორგი ვაშაძე ეხმიანება ნინოწმინდის ბავშთა პანსიონის გარშემო განვითარებულ მოვლენებს და მოითხოვს, რომ საზედამხედველო ორგანოებს დაუყოვნებლივ მიეცეთ პროცესის სრულფასოვანი მონიტორინგის საშუალება:

“ნინოწმინდაში ბავშვთა პანსიონის გარშემო განვითარებული მოვლენები არის იმის ნიშანი, რომ სინამდვილეში ჩვენ გვყავს უპასუხისმგებლო ხელისუფლება.

შემაშფოთებელია ის ინფორმაცია, რაც პანსიონში მცხოვრებ ბავშვებთან დაკავშირებით ვრცელდება.

დაუყოვნებლივ უნდა მიეცეს შესაძლებლობა საზედამხედველო ორგანოებს პანსიონში მცხოვრები 50-ზე მეტი ბავშვის აღზრდის პროცესის სრულფასოვანი მონიტორინგის.

ჩვენ პატივს ვცემთ ტრადიციულ ღირებულებებს, მაგრამ კანონი ყველასთვის უნდა კანონობდეს და ამ მიმართულებით პრეფერენცია და ვინმესთვის უპირატესობის მინიჭება პრინციპულად მიუღებელია ჩვენთვის”, – აცხადებს გიორგი ვაშაძე.

ინფორმაციას “სტრატეგია აღმაშენებლის” საზოგადოებასთან ურთიერთობის სამსახური ავრცელებს