ბრიუსელში, ევროპარლამენტარებთან, ნიკა მელიას გათავისუფლების ინიციატივით პარტია „ლელო საქართველოსთვის“ ლიდერები გამოვიდნენ. მათ მიხედვით, ევროპარლამენტარების ნაწილი თანახმაა ნიკა მელიას საპატიმროდან გათავისუფლებას თავდებში დაუდგეს. პარტიის „ლელო საქართველოსთვის“ პოლიტიკური საბჭოს წევრი, ანა ნაცვლიშვილი ამ საკითხზე განმარტებას აკეთებს:
„სწრაფად გადასაწყვეტი ამოცანა არის ის, რომ ნიკა მელია გარეთ გამოვიდეს. ამ მიზნის მისაღწევად ჩვენ, დღეს, ევროპარლამენტარებთან შეთანხმებითა და მათთან მუშაობით მოხერხდა, რომ რამდენიმე ევროპარლამენტარი მზად არის, თავდებად დაუდგეს ნიკა მელიას გათავისუფლებას.
მე ვფიქრობ, რომ ეს არის ძალიან მნიშვნელოვანი ახლი შესაძლებლობა, რომელიც, რა თქმა უნდა, ესადაგება შეთანხმების სულისკვეთებას და სრულ შესაბამისობაშია საქართველოს კანონთან.
ვერ წარმომიდგენია, რა შეიძლება იყოს არგუმენტი იმისა, რომ ხელისუფლება არ დათანხმდეს ევროპარლამენტარების თავდებობას. თუ ასეთი არგუმენტები აქვთ, მე მგონი, მათი გაჟღერება ძალიან მძიმე ამბავი იქნება „ოცნებისათვის“, – აცხადებს ანა ნაცვლიშვილი.
