საქართველოს სახალხო დამცველის მოადგილე, გიორგი ბურჯანაძე საპატიმროდან “ნაციონალური მოძრაობის” თავმჯდომარის, ნიკა მელიას გათავისუფლების სამართლებრივ მექანიზმზე საუბრობს:
“სისხლის სამართლის კოდექსი – მუხლი 70
„დანაშაულის ჩამდენი შეიძლება გათავისუფლდეს სისხლისსამართლებრივი პასუხისმგებლობისაგან, თუ დადგინდება, რომ ქმედებისათვის სისხლისსამართლებრივი პასუხისმგებლობის დაკისრება მიზანშეუწონელია ვითარების შეცვლის გამო“.
ეს არის მუხლი, რომლის საფუძველზეც ნიკა მელია ნებისმიერ მომენტში შეიძლება გათავისუფლდეს. ეს მუხლი პროკურატურას აძლევს შესაძლებლობას ნებისმიერ დროს გამოუშვან მელია (გირაოს და ყველაფრის გარეშე).
სრულიად პოლიტიკური სპექტრია ამ საკითხის გარშემო გაერთიანებული საქართველოში. ეს არის საკითხი, რომელიც დასავლური ინტეგრაციის წინაპირობაა და კონსტიტუციის 78-ე მუხლის საფუძველზე დამატებითი ვალდებულებაა გენერალური პროკურორისთვის,” – წერს გიორგი ბურჯანაძე ფეისბუქის პირად გვერდზე.
