“კომპრომისზე წასვლა სიძლიერეს ნიშნავს და არა სისუსტეს” – კრისტიან დანიელსონი

ხელისუფლებასა და ოპოზიციას შორის, მედიატორის ფუნქციით, მოლაპარაკებების მორიგი რაუნდის გასამართად, თბილისში ჩამოფრინდა ევროპული საბჭოს პრეზიდენტის, შარლ მიშელის პირადი წარმომადგენელი კრისტიან დანიელსონი. იგი სამი დღის განმავლობაში დარჩება საქართველოში და შეეცდება პარტიებს შორის კომპრომისი მიიღწევას:

“ძალიან მიხარია საქართველოში დაბრუნება. მოუთმენლად ველი პოლიტიკურ ლიდერებთან შეხვედრას, როგორც ოპოზიციიდან, ასევე ხელისუფლებიდან, რათა გადაიჭრას პოლიტიკური კრიზისი.

საჭიროა კომპრომისი, კომპრომისზე წასვლა კი სიძლიერეს ნიშნავს და არა სისუსტეს. კომპრომისი ევროპული გზაა და ის იქნება ნიშანი, რომ საქართველოში დემოკრატია მუშაობს.

საქართველოში დავრჩები სამი დღის განმავლობაში,” – განაცხადა კრისტიან დანიელსონმა აეროპორტში.