“თუ გვინდა, რომ რამე შევცვლოთ, ჯერ ჩვენ თვითონ უნდა შევიცვალოთ” – ლევან კობერიძე

ლევან კობერიძემ პარტია “ლელოს” დატოვების გადაწყვეტილება მიიღო, მიზეზად კი პარტიასთან პოლიტიკური ხედვების განსხვავება დაასახელა. პოლიტიკოსი ვრცელი განმარტებების თაობაზე უახლოეს ხანში აპირებს განცხადების გაკეთებას, თუმცა ფეისბუქის პირად გვერდზე გამოქვეყნებული მისი ბოლო პოსტით თუ ვიმსჯელებთ, იგი ზოგადად პოლიტიკოსების და, სავარაუდოდ, არა მარტო მათ მიმართ გამოხატავდა უკმაყოფილებას:

“ვუსმენ და ყველა ხალხის სახელით ლაპარაკობს ეთერებში. თან ისე თავდაჯერებით, თითქოს სწორედ მან, ერთადერთმა იცის ყველაზე კარგად რას ფიქრობს ხალხი. ეს არის საბჭოური ეპოქის მენტალობა და ძალიან გვიშლის ხელს განვითარებაში… ალბათ უნდა ვისაუბროთ და არა ვამტკიცოთ, ვიმსჯელოთ და არა აზრი მოვახვიოთ ერთმანეთს. თუ გვინდა, რომ რამე შევცვლოთ, ჯერ ჩვენ თვითონ უნდა შევიცვალოთ,” – აცხადებს ლევან კობერიძე.