პარლამენტის დღევანდელ სხდომაზე ოპოზიციონერი დეპუტატებისთვის უფლებამოსილების შეწყვეტაზე მმართველი პარტიის უარს ეხმიანება “ლეიბორისტული პარტიის” თავმჯდომარე შალვა ნათელაშვილი და დარწმუნებულია რომ პარლამენტში ოპოზიცია მაინც არ შევა, ახალი არჩევნები დაინიშნება:
“ცხოველური შიშით შეპყრობილი ივანიშვილის დეპუტატად თვითწოდებულმა გოგო-ბიჭებმა ოპოზიციას უარი უთხრეს სადეპუტატო უფლება-მოსილების შეწყვეტაზე იმ იმედით, რომ გადაარჩენენ თავიანთ უკანონოდ მოპოვებულ ძალაუფლებას, სტატუსს და მილიარდიან ქონებებს.
მე წინასწარ ვეუბნები, რომ ეს ყველაფერი განწირულია ჩასაფუშავად. პარლამენტი ერთპარტიული, იქ ოპოზიცია არ შემოვა და ახალი არჩევნების დანიშვნა გარდაუვალია,” – აცხადებს შალვა ნათელაშვილი.
