პარტია “მოქალაქეების” თავმჯდომარე, ალეკო ელისაშვილი “რუსთავი 2”-ის გადაცემა “დღის კურიერის” ეთერში თეა წულუკიანის მხრიდან მის მიმართ პარლამენტის სხდომაზე დასმულ ირონიულ შეკითხვას (“თუ არჩევნები გაყალბდა, აქ რას აკეთებთ?!“) პასუხობს და განათლების კომიტეტის თავმჯდომარეს სთავაზობს თავისი ტელეფონის ნომერი გაასაჯაროვოს:
“თეა წულუკიანს მოვუწოდებ, რომ ვერ გაბედა დღეს მან თავისი ტელეფონის ნომრის გამოცხადება და სხვის ტელეფონის ნომრებს კი, ნუ აცხადებს, თან ეს პირადი მონაცემების გავრცელებაა, იურისტმა თეა წულუკიანმა მაინც უნდა იცოდეს, ჩემგან არ უნდა ესწავლებოდეს. მე ისტორიის ფაკულტეტზე ვსწავლობდი, არ ვარ იურისტი.
სხვისი ნომერის გამოცხადება, სულ მცირე, არაკორექტული საქციელია და გაბედოს და თავისი ნომერი გამოაცხადოს. როგორც მე მექნება მთელი დღე თავის ტკივილი, უამრავ ადამიანს უნდა ვუპასუხო, ასევე, გაბედოს მან და სანამ ჭკუის სწავლებას დაგვიწყებს, მანამდე თავისი ტელეფონის ნომერი გამოაქვეყნოს“, – განაცხადა ალეკო ელისაშვილმა.
