პარლამენტში სიტყვით გამოსვლისას ალეკო ელისაშვილმა განაცხადა, რომ “არჩევნები 31 ოქტომბერს გაყალბდა”, რის შემდეგაც “მოქალაქეების” ლიდერს ირონიის შემცველი შეკითხვა დაუსვა განათლების კომიტეტის თავმჯდომარემ თეა წულუკიანმა – არჩევნები თუ გაყალბდა რატომღაა პარლამენტში:
“ბატონო ალეკო, თქვენ აქ გვაჩვენეთ დემოკრატიის მაღალი სტანდარტი, თუ როგორ უნდა იურთიერთო ხალხთან და ნომერიც ჩაგვაწერინეთ.
დღეს მინდა თქვენც ჩემი ნომერი ჩაგაწერინოთ. ეს არის – 5******** იქნებ მოინიშნოთ და ხალხმაც რომ იცოდეს. ჩაინიშნეთ? 5********.
ოღონდ ეს ჩემი ნომერი არ არის, ეს ნიკა გვარამიას ნომერია. დაურეკეთ ხოლმე და ის რასაც გიკარნახებთ – გაყალბდა თუ არა არჩევნები, იმაზე ისაუბრეთ ამ პარლამენტში.
თუ არჩევნები გაყალბდა, აქ რას აკეთებთ?!” – აცხადებს თეა წულუკიანი.