“ჩვენ პარლამენტში ნამდვილად თავაწეულები შემოვედით” – ალექსანდრე ელისაშვილი

პარტია “მოქალაქეების” წარმომადგენლები – ალექსანდრე ელისაშვილი და ლევან იოსელიანი უკვე პარლამენტში არიან და დაესწრებიან დღევანდელ სხდომას. მანამდე კი ჟურნალისტებთან პირველი კომენტარი გააკეთა ალექსანდრე ელისაშვილმა:

“ჩვენ აქ ნამდვილად თავაწეულები შემოვედით, იმიტომ რომ 4 პოლიტპატიმარი არის გათავისუფლებული, ვისზეც ვლაპარაკობდით. ბოლოს მოლაპარაკების მაგიდაზე მე და ლევან იოსელიანი შემოვრჩით ბოლოს და მას მერე გამოვიდა საპატიმროდან ის 2 ადამიანი. ასევე გაფორმებულია მემორანდუმი, რომელიც სინამდვილეში არის ამ ქვეყნის პერსპექტივა და პირველ რიგში ჩვენ ვაპირებთ სწორედ იმ მემორანდუმში ჩამოთვლილი პუნქტების კანონად ქცევას და ამაზე მუშაობას,” – აცხადებს ალექსანდრე ელისაშვილი.