დეპუტატი ფრიდონ ინჯია, პარლამენტში “პატრიოტთა ალიანსის” საარჩევნო სიით შესულ დეპუტატებთან მიმართებაში, გიგა ბოკერიას მიერ დააფიქსირებულ პოზიციას ეხმიანება და “ევროპული საქართველოს” ლიდერს შეახსენებს, რომ წინა მოწვევის პარლამენტში ის და მისი გუნდი ასევე გამოეყო “ნაციონალურ მოძრაობას” და შექმნეს ახალი პარტია:
„მოსწონს ეს გიგა ბოკერიას თუ არა პარლამენტში უკვე პირველი ოპოზიციური პარტია “ევროპელი სოციალისტები” ვართ.
სხვათაშორის შევახსენებ მას, რომ ასეთი გადაწყვეტილებები წინა მოწვევის პარლამენტშიც მიიღო ოპოზიციამ, როდესაც ნაც.მოძრაობას ევროპული საქართველო გამოეყო და ახალი პარტია შექმნა. ის მოქმედება სამართლიანი იყო და ჩვენი უსამართლოა?
ეს არის მისი მხრიდან ორმაგი სტანდარტით მიდგომა საკითხის მიმართ“, – განაცხადა ფრიდონ ინჯიამ.
ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს.