საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის, ამირან გამყრელიძის განცხადებით დაფიქსირდა 38 ახალი შემთხვევა. აქედან 22 ასოცირდება ბათუმის ე.წ. ,,დონას“ კლასტერთან. მისი თქმით, მსოფლიო ეპიდსიტუაციის საერთო ფონზე გვაქვს ევროპაში გვაქვს საუკეთესო შედეგი.
,,ეპიდსიტუაცია მსოფლიოში კვლავ დაძაბულია. ყოველდღიურ ახალ შემთხვევათა რიცხვი აჭარბებს 250 000. დღეს ინფიცირებულთა რაოდენობა მიუახლოვდა 26 მილიონს. თუმცა, დადებითი არის ის, რომ იზრდება გამოჯანმრთელებულთა პროცენტული მაჩვენებელი – 70%-ია და მცირდება სიკვდილიანობის პროცენტი და ჩამოსულია 3.3%-ზე. Covid-ინფექცია, სამწუხაროდ, რიგით მე-11 მიზეზი გახდა სიკვდილიანობათა რეიტინგში.
სიტუაცია მწვავეა საქართველოს მოსაზღვრე ქვეყნებში. მზარდი სიტუაციაა ცენტრალურ აზიაში, უკრაინაში, მოლდოვასა და ბელარუსში. ამ ქვეყნებთან შედარებით ჩვენ უკეთ გამოვიყურებით, მაგრამ აღნიშნული ფაქტი არ გვაძლევს თვითდამშვიდების საფუძველს. მასზე მიუთითებს დღევანდელი ფაქტი და შემთხვევათა რაოდენობა.
მოგეხსენებათ, 38 ახალი შემთხვევა დაფიქსირდა. აქედან 22 ფიქსირდება ე.წ. ,,დონას“ კლასტერთან. კაფე ,,დონაში“ მყოფ ადამიანებს შესაძლებლობა ჰქონდათ ჩაეტარებინათ სპეციალური ტესტი, რამაც დაახლოებით 600 ადამიანი მოიცვა. შედეგები ცნობილი იქნება უკვე დღეს. დადასტურებულ შემთხვევასთან კონტაქტი არის 7, დღეს დილისთის იმპორტრებული შემთხვევა 4. აქედან სატვირთო ავტომანქანის მძღოლი გახლავს 2, ხოლო 5 სიტუაციაზე მიმდინარეობს ჩაღრმავებული ეპიდკვლევა“, – განაცხადა ამირან გამყრელიძემ.
ავტორი
ნინი ხიჯაკაძე
