დღეს, ქვეყნის მასშტაბით დადასტურებული 38 ახალი კორონავირუსის შემთხვევიდან, 22 ბათუმის საკონდიტრო მაღაზია “დონა”-ში დაფიქსირდა. აღნიშნულთან დაკავშირებით განცხადებას ავრცელებს საკონდიტროს ხელმძღვანელობა, სადაც ნათქვამია, რომ საკონდიტროს ორივე ფილიალში ინფიცირების შემთხვევები დადასტურებულია და თანამშრომლები მკურნალობას კლინიკაში განაგრძობენ:
“ძვირფასო მომხმარებლებო,
კოვიდ-ინფექციის გამოჩენის პირველი დღეებიდან ზედმიწევნით ვასრულებდით ყველა იმ რჩევას და რეკომენდაციას, რაც ეხებოდა ვირუსის გავრცელების პრევენციას. თუმცა, ამის მიუხედავად, ჩვენს ორივე ფილიალში დადასტურდა ვირუსით ინფიცირების შემთხვევები. ყველა დაინფიცირებული გადის მკურნალობას შესაბამის სამედიცინო დაწესებულებაში, ხოლო მათთან კონტაქტში მყოფი პირები გადაყვანილია კარანტინში.
ჯანდაცვის სამინისტროს მიერ გავრცელებული ინფორმაციით, მოქალაქეებს ტესტის გაკეთება შეუძლიათ როგორც ბულვარის ტერიტორიაზე განთავსებულ კარვებში, ასევე სპეციალიზირებულ სამედიცინო დაწესებულებაში.
გისურვებთ ჯანმრთელობას,” – ნათქვამია საკონდიტროს მიერ გავრცელებულ განცხადებაში.
ავტორი
მახო ზავრაშვილი
