“ქრონიკა+”-ის მთავარი რედაქტორი ელისო კილაძე შსს-ში გამოკითხვის შემდეგ ჟურნალისტებთან კონკრეტული ფაქტების თაობაზე საუბრობს. კერძოდ იმის შესახებ, რომ გამოძიება დაინტერესდა იმ ზარით, რომელიც განხორციელდა კილაძის მობილურ ტელეფონზე თამარის ბაჩალიაშვილის ცხედრის პოვნის დღეს:
“შეკითხვები ეხებოდა სატელეფონო ზარს, რომელიც ჩემთან განხორციელდა თამარ ბაჩალიაშვილის ცხედრის პოვნის დღეს.
ზარის ავტორი დადგენილია, ეს გახლავთ მოქალაქე სოფო ბოკუჩავა. ჩვენ მოვუსმინეთ იმ ჩანაწერს, რომელიც ინახება ჩემს მობილურ ტელეფონში. აქ ძალიან მკაფიოდ საუბრობს კონკრეტულ პირზე, რომელმაც მას მოუყვა ამბავი, რას საქმიანობდა კომპანია „ZEG“-ი და ასევე ჩანაწერში დასახელებულია იმ პორნოსაიტების ელექტრონული მისამართები, რომელსაც ემსახურებოდა აღნიშნული პირი.
არ გამოვრიცხავ, რომ ეს იყოს იმ კომპანიის თანამშრომელი, იმიტომ რომ ბოკუჩავა ჩემთან საუბარში ამბობს, რომ ეს არის პირი, რომელიც მუშაობდა „ZEG“-ში, მაგრამ ვეღარ გაუძლო, აღარ მოუნდა უფრო სწორად მუშაობა და წამოვიდა კომპანიიდან,” – განაცხადა ელისო კილაძემ.
ავტორი
თამუნა მახარაშვილი
