შესაძლოა ქვეყანაში კორონავირუსის გავრცელების პრევენციის მიზნით შეზღუდვები გამკაცრდეს. ეპიდემიოლოგები 1000-მდე ტესტის პასუხს ელოდებიან, რის შემდეგაც მოხდება გადაწყვეტილების მიღება გამკაცრდება თუ არა რეგულაციები. ამასთან, დიდია ალბათობაც, რომ სასწავლო პროცესი გადაიდოს.
ჯანდაცვის მინისტრის განცხადებით, ტესტების მონაცემებზეა დამოკიდებული შემდგომი გადაწყვეტილების მიღება და ღონისძიებების გატარება:
„ველოდებით რეგიონებიდან 1000 ტესტის შედეგს და ეს მოგვცემს იმის ანალიზის საშუალებას, თუ როგორი გადაწყვეტილებები უნდა იყოს გატარებული ქვეყნის მასშტაბით. ამ ეპატზე ქვეყანაში ღონისძიებების გამკაცრების თაობაზე გადაწყვეტილება არ არის მიღებული. თუ ჩვენი ქცევა იქნება ისეთი, როგორიც არის დღეს და დღეს გვაქვს ჩვენ, არა ნიღბის ტარება, არა სოციალური დისტანცირება და ა.შ., ეს რა თქმა უნდა მიგვიყვანს ჩვენ უკვე იმ გადაწყვეტილებაზე, რომ შეიძლება რისკი შეექმნას სექტემბერში სწავლის დაწყებას“, – განაცხადა ეკატერინე ტიკარაძემ.
ავტორი
თამუნა მახარაშვილი