6 ივლისს ერთიანი ეროვნული გამოცდები ქართული ენისა და ლიტერატურის გამოცდით დაიწყება. შეფასებისა და გამოცდების ეროვნული ცენტრის ინფორმაციით მთელი საქართველოს მასშტაბით 24 საგამოცდო ცენტრი აბიტურიენტთა მისაღებად უკვე მზად არის.
– საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს რეკომენდაციების შესაბამისად, გამოსაცდელები და მეთვალყურეები დაიშვებიან ყოველი საგამოცდო სექტორის ფართობის მხოლოდ 50%-ზე. თითოეული სამუშაო მაგიდა წინა მხრიდან აღჭურვილი იქნება გამჭვირვალე დამცავი ფარით/ბარიერით; მაგიდებს შორის სიგანეში დაშორება იქნება მინიმუმ 2 მეტრი, ერთმანეთის მიმდევრობით განლაგებულ მაგიდებს შორის მანძილი კი – 1 მეტრზე მეტი.
– რეგისტრაცია 08:00 საათზე ყველა საგამოცდო ცენტრში ერთდროულად დაიწყება. შეფასებისა და გამოცდების ეროვნული ცენტრი სთხოვს აბიტურიენტებს, არ დაიგვიანონ მისვლა საგამოცდო ცენტრებში. რეგისტრაციის დასრულების შემდეგ აბიტურიენტები გამოცდაზე არ დაიშვებიან. ზოგიერთ ქალაქში რამდენიმე საგამოცდო ცენტრია გახსნილი. შესაბამისად, უმნიშვნელოვანესია, აბიტურიენტი ყურადღებით გაეცნოს საგამოცდო ბარათზე მითითებულ ინფორმაციას.
კიდევ ერთხელ შეგახსენებთ საგამოცდო ცენტრების მისამართებსა და მისასვლელ მარშრუტებს:
მეტრო “ახმეტელიდან” გლდანის მიმართულებით N177, N173 და N39 საჯარო სკოლებამდე;
მეტრო “ვარკეთილიდან” N117 საჯარო სკოლამდე;
მეტრო “სამგორის” ზედა ამოსასვლელიდან N103 საჯარო სკოლამდე;
მეტრო “დიდუბიდან” N147 საჯარო სკოლამდე.
