” სტრატეგია აღმაშენებელი” განცხადებას ავრცელებს ჟურნალისტ ვახო სანაიასთვის 14-დღიანი ადმინისტრაციული პატიმრობის შეფარდების ფაქტს:
“ფეისბუქ-პოსტის გამო დაპატიმრება არის პირდაპირი ცენზურა და თავისუფალი სიტყვის ღია დევნა.
ივანიშვილის სასამართლომ კიდევ ერთხელ დაამტკიცა, რომ მისი ერთადერთი ამოცანა კრიტიკული აზრის ჩახშობაა.
ვახო სანაია არის ჟურნალისტი, რომელიც არასდროს ერიდება სიმართლის თქმას და ყოველთვის ღიად უპირისპირდება უსამართლობას – რეჟიმს სწორედ ასეთი პრინციპული ადამიანების ეშინია.
ვერანაირი უკანონო განაჩენით საზოგადოებას ვერ გააჩუმებთ!
სოლიდარობა ვახო სანაიას!“ – ნათქვამია პარტიის განცხადებაში.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
