როტარი კლუბის წარმომადგენლებმა პუშკინის სკვერში საქველმქომედო ღონისძიება გამართეს და სოციალურად დაუცველ ოჯახებს გადასცეს პროდუქტის კალათა.
პროექტი ითვალისწინებდა 200 სოციალურად დაუცველი მრავალშვილიანი ოჯახისთვის, რომელთაც ჰყავთ ოთხი და მეტი შვილი, საკვები პროდუქტებით დაახმარებას.
,,როტარი კლუბებმა “თბილისი ამბასადორი” და “რუსთავი საერთაშორისო” მიიღეს მცირე ფინანსური დახმარება როტარი საერთაშორისოსგან “Disaster Response Grant”-ის ფარგლებში, პროექტს მხარი დაუჭირეს საერთაშორისო ქალთა ორგანიზაციამ საქართველოში, კომპანია სანტემ, ქართველმა ემიგრანტმა, როტარიანელმა ანა საყვარელიძემ და უცხო ქვეყნის სხვა როტარი კლუბების წევრებმა.
საერთაშორისო ორგანიზაცია „როტარი კლუბი“ წარმოადგენს საქმიანი ადამიანების საზოგადოებას, რომელიც მიზნად ისახავს სოციალური და საქველმოქმედო პროექტების განხორციელებას შემდეგი მიმართულებით: განათლება, დაავადების პრევენცია, სამშვიდობო, ეკონომიკური განვითარება, წყლის და სანიტარული ნორმები და დედა-შვილის ჯანმრთელობა. მადლობა თითოეულ ადამიანს პროექტში შეტანილი წვლილისთვის,“ – აცხადებს როტარი კლუბ “თბილისი ამბასადორის” პრეზიდენტი ნინო ჯოხაძე სააგენტო ,,პარალელთან“ საუბარში.
