პარტია “ხალხისთვის” თავმჯდომარე, ანა დოლიძე “ნაციონალურ მოძრაობაში” მიმდინარე პროცესებს ეხმაურება და მძიმე შეფასებებს აკეთებს მიხეილ სააკაშვილთან მიმართებით:
“საერთოდ არავითარი მნიშვნელობა არ აქვს ვინ იქნება “ნაციონალური მოძრაობის” თავმჯდომარე. სააკაშვილი არის მისი მმართველი და ზუსტად ისე როგორც ბიძინა, ის ნიშნავს და ათავისუფლებს სპიკერებს.
გაიხსენეთ როგორ მიიყვანა ახალი ხალხი პარტიაში მელიამ, დიდი ზარზეიმით. სად არის ახლა ეს ხალხი? არ შერჩა პარტიას, დაუბრუნდნენ თავის გზას.
ასე რომ არაფერი იცვლება აქ. მიშა და დემოკრატიული მმართველობა შეუთავსებელია. სასულთნოა. სასულთნოც შეიძლება მოსწონდეს ვიღაცას“, – წერს ანა დოლიძე სოციალურ ქსელში.
