“მოგესალმებით ყველას. ვინაიდან ჩემს ძმას არ გაჩნია სოციალური ქსელი გიზიარებთ ჩემი ძმის აზრს“, – წერს სოციალურ ქსელში გორში, სამართალდამცავების მხრიდან ძალადობის მსხვერპლის ძმა, გიგა ლოცულაშვილი და აქვეყნებს აპოლონ (პაპუნა) ლოცულაშვილის პოზიციას:
“დიდი მადლობა ვინც გულწრფელი მხარდაჭერა გამოხატა ჩემდამი.
რაც მოხდა საშინელება იყო. მთავარი არის ის, რომ ეს ადამიანები დღეს უკვე დასჯილები არიან.
მინდა მივმართო იმ ადამიანებს, ვინც ამ ამბით სათავისოდ გამოყენებას ცდილობს და ჩემი ამბით გამოჩენა უნდა, ნუ გამოიყენებთ ჩემს მდგომარეობას თქვენს სასიკეთოდ.
სამწუხაროდ, ბევრი ადამიანი ჩემს ნაცვლად აკეთებს სხვადასხვა პოლიტიკურ განცხადებებს. გთხოვთ, ნურავინ ისაუბრებს ჩემს ნაცვლად.
და ეს ფაქტი, რაც მოხდა, მომავალშიც იქნება მაგალითი სხვებისთვის, რომ დაუსჯელი არავინ დარჩება, ვინც ასე მოიქცევა“, – აცხადებს აპოლონ (პაპუნა) ლოცულაშვილი.
