თავისი გადასახედიდან, ქართულ რეალობას აღწერს, სოციალურ ქსელში გამოქვეყნებულ პოსტში, ანალიტიკოსი გოჩა მირცხულავა და მძიმე შეფასებებს აკეთებს:
“ასეთი ამჩემფეხება და თავკერძა თანამოქალაქეების ეპოქაში რატომ მომიწია ცხოვრება, სულ ამას ვფიქრობ. ტიპები შიმშილით კვდებიან, გადასახადებს ვერ უძლებენ, წამალს ვერ ყიდულობენ, ბავშვები და მოხუცები მშივრები ჰყავთ, ექიმთან ვერ მიდიან და პროტესტი უტყდებათ. ჰო, აბა, იმას ხომ არ შეიმჩნევენ რომ უჭირთ. კუდაბზიკა აზნაურებითაა გადატენილი ქვეყანა.
ხალხს კორუფციის მიმართ მგრძნობელობა არ აქვს და მიაჩნია, რომ ბიუჯეტიდან მოპარული ფული, ან ქრთამი, მოსყიდვა სხვადასხვა სიკეთეების მისაღებად, მათი ჯიბიდან ამოღებული ფული არ არის.
რა ვიცი, მინიმუმ ცუკერბერგის სკოლა, კოლეჯი და უნივერსიტეტი აქვს უმეტესობას დამთავრებული. რომ ჰკითხო, ყველამ ყველაფერი იცის – მიწისძვრიდან დაწყებული უცხოპლანეტელების ანბანით დასრულებული და რეალურად, ასე ემოციურად გამოფიტული, მენტალურად დეგრადირებული და უფხო ხალხი არსად მეგულება.
გარემოების მონობაა ეს? არა! კონფორმიზმია? არა!
შიშია? არა! სიგლახე და სიცუდეა? არა!
ჰო და, როგორც სამეგრელოში იციან, რუსულის მოშველიებით – თქვან პაკაზუხა დიდა ხოდ ჯოღორქ…“, – წერს გოჩა მირცხულავა.
