“ჩვენთან ცნობილი კანონების შემოღების შემდეგ, საიდან შეეძლოთ მიეღოთ რადიკალურ ენჯეოებს და ოპოზიციურ მედიას გარე დაფინანსება” – ზაალ ანჯაფარიძე

ანალიტიკოსი ზაალ ანჯაფარიძე ცალკეული კანონების შემოღების შემდეგ განხორციელებულ დაფინანსებებზე საუბრობს:

“ამასწინათ მე და ჩემი კოლეგა ვმსჯელობდით, ჩვენთან ცნობილი კანონების შემოღების შემდეგ, საიდან შეეძლოთ მიეღოთ რადიკალურ ენჯეოებს და ოპოზიციურ მედიას გარე დაფინანსება. როგორც ვიცით, რამდენიმე ცნობილი რადიკალური ენჯეო და ოპო-მედია ესტონეთში დარეგისტრირდა.

აქედან გამომდინარე, ჩემმა კოლეგამ გამოთქვა ვარაუდი, რომ მათ შეეძლოთ რომელიმე ესტონურ ბანკში გაეხსნათ ანგარიში, აეღოთ იქაური Visa/Mastercard ან სხვა პლასტიკური ბარათები და შემდეგ საქართველოს ბანკომატებში, ისევე როგორც აქ ჩამოსულ ესტონელს, გაენაღდებინათ იქ ჩარიცხული თანხა“, – წერს ფეისბუქის პირად გვერდზე ზაალ ანჯაფარიძე.