დებატების თაობაზე მთავრობის მეთაურის, ირაკლი კობახიძის ინიციატივას კონკრეტული პოზიცია-მინიშნებებით ეხმაურება ანალიტიკოსი არჩილ გამზარდია :
“დებატების “ინიციატივა” ჩვეულებრივი სიმულაციაა, რომ მისმა ოპონენტმა მხარემ წინააღმდეგობა გამოხატოს და შემდეგ ხელისუფლებამ თქვას, ოპოზიციას თუ ზოგადად, ოპონენტებს არ უნდათ და არ შეუძლიათ დებატი, თორემ ჩვენ კი ვცდილობთო.
თორემ რა დებატი, საშუალო აკადემიური დისკუსიისათვისაც კი საუკუნეა არავის ჰქონია ინტერესი მივეწვიე საზმაუზე, იმედზე თუ რუსთავი 2-ზე, არა თუ მმართველი პარტიის წევრებთან ერთად გვემსჯელა არასახელისუფლებო არხზე, რადგან ქ. ოცნების პარტიული გადაწყვეტილება იყო ერთიც და მეორეც – არ მისულიყვნენ არასახელისუფლებო მედიაში და არავინ მიეწვიათ სახელისუფლებო მედიაში დისკუსიის ფორმატში.
ეს “დებატის” “იდეა” ჩვეულებრივ სიყალბედ მოჩანს და აქაც წვრილი ხმაურის შექმნის სურვილი უფროა, ვიდრე რაიმეს გაუმჯობესების საგნობრივი კონცეფცია.
პ.ს. ადამიანები ტროტუარიდან გაუშვით ციხეში და ეს ყველაზე უკეთ აჩვენებს ხელისუფლების სურვილებს, ვიდრე ფორმალურად ვითომდა დებატების სურვილი“, – წერს არჩილ გამზარდია ფეისბუქის პირად გვერდზე.
