მსოფლიო ეკონომიკური ფორუმის ყოველწლიური შეხვედრას საქართველოს წარმომადგენლები არ დაესწრებიან. აღნიშნულთან და შექმნილ გეოპოლიტიკურ რეალობასთან დაკავშირებით, სააგენტო ,,პარალელთან” კომენტარში, პოლიტიკურ შეფასებებს აკეთებს ,,სტრატეგია აღმაშენებლის” ახალგაზრდული ორგანიზაციის ლიდერი ლაშა დიაროვი:
,,ქოცურ-რუსული რეჟიმის წარმომადგენლები მსოფლიო დონის სამიტზე, დავოსში, არ მიიწვიეს! რეალურად, სწორედ ამ სამიტზე წყდება ყველა მნიშვნელოვანი საკითხი და პრობლემა, ხოლო ქოცების ადგილი იქ მსოფლიო ლიდერებმა ვერ დაინახეს. ეს ბევრ რამეზე მეტყველებს.
ივანიშვილი ცივილიზებული სამყაროსთვის კეთროვანი დიქტატორია! დასავლეთი მას არ აღიქვამს საქართველოს მმართველად. რეალურად, აქ საჭიროა ერთიანი, ძლიერი ალტერნატივის შექმნა და სწორედ მაშინ დაიწყებს დასავლეთი ჩვენთან საუბარს.
ტრამპი უკვე წელიწადზე მეტია ქოცებს არ ეკონტაქტება. კობახიძისა და ყაველაშვილის ხვეწნის მიუხედავად, ტრამპის ადმინისტრაციის მხრიდან ქოცების მისამართით არცერთი სიტყვა არ თქმულა, ეს უკვე პოზიციაა.
ლუკაშენკოსაც კი ეკონტაქტებიან ამერიკელები, ქოცებისგან განსხვავებით.
სამაგიეროდ, რუსული რეჟიმის წარმომადგენლები დავოსის ნაცვლად აშხაბადში დადიან – დიქტატორების შეკრებებზე. მგონი უკვე ყველასთვის ნათელია, რა არის ივანიშვილის მიზანი და სად წარმოუდგენია მას საქართველო მომავალში!
ან რუსულ რეჟიმს დავამარცხებთ, ან მოგვიწევს კადიროვის ჩეჩნეთის მსგავს ქვეყანაში ცხოვრება. ბრძოლა ბოლომდე! ✊🇬🇪🇪🇺”, – აცხადებს ლაშა დიაროვი.
ავტორი
ნინი ხიჯაკაძე
