,,სტრატეგია აღმაშენებლის” ახალგაზრდული ორგანიზაციის ლიდერი ლაშა დიაროვი სააგენტო ,,პარალელთან” კომენტარს აკეთებს პროდუქტების მაღალ ფასებთან დაკავშირებით, პოლიტიკური შეფასებებით და სარკაზმით:
,,ლალი მოროშკინებსა და მსგავს ქოც პროპაგანდისტებს ატეხილი აქვთ ჟრიამული – პროდუქტებზე ფასებმა დაიკლო მას მერე, რაც ირაკლი რუსმა მაღაზიები დაადანაშაული ფასების ხელოვნურად მომატებაშიო.
რეალურად, ყველამ კარგად ვიცით, რომ მაღალი ფასები ქოცების არასწორი პოლიტიკის დამსახურებაა, მაგრამ დამაინტერესა მართლა თუ დააკლდა რამეს ფასი. ჩავედი მაღაზიაში, მინდოდა მეც მესარგებლა გაიაფებული და გალაღებული ცხოვრებით, პროდუქტების ფასები, რა თქმა უნდა, კატასტროფულად მაღალი დამხვდა!
ჩემი განსაკუთრებული ყურადღება, მაღაზია “იოლში”, ამ “მეგაფასდაკლებამ” მიიქცია! ტყემალი ირაკლი რუსის გაკეთებულ განცხადებამდე ღირდა 8 ლარი და ახლა ღირს 7 ლარი და 99 თეთრი, შვებით ამოვისუნთქე და მაშინათვე ჯიბეზე ვიგრძენი ფასების ვარდნა!
არა, ქოცები მართლა “ავანტყოფები” არიან!
ქოცობა სირცხვილია! ცეცხლი ოლიგარქიას”, – აცხადებს ლაშა დიაროვი.
ინფორმაციისთვის: ლალი მოროშკინა, ერთ-ერთ თავის ფეისბუქ-პოსტში პროდუქტებზე არსებული მაღალი ფასების შემცირებაზეც აკეთებს მინიშნებას.
ავტორი
ნინი ხიჯაკაძე
