“30 წელია ჟურნალისტი ვარ, 2013 წელს, როცა “ქრონიკა+” დავაფუძნე, ზუსტად ვიცოდი რომ მხოლოდ სიმართლის გზით უნდა გვევლო‼️ მოგებული გვაქვს ყველა სასამართლო პროცესი‼️
გავიარეთ ომი კახელების კარტელთან, კორუმპირებულ ჩინოვნიკებთან, გოგაშვილთან და მის გარემოცვასთან, მღებრიშვილის შსს-სთან, ლილუაშვილთან, პირველი ვიყავი, ვინც ქოლცენტრების მხილება დავიწყე, დავუპირისპირდით ნარკობარონებს, გავიარე შვილის უკანონო პატიმრობა, ვამხილე დადგმული ციხის კადრები (მთავარი გმირი ვიპოვე და ჩავწერე), ყველა გახმაურებული მკვლელობა გაშუქებული გვაქვს, სვანეთის ხე ტყე ბოლო დროის სკანდალია, ვმუშაობ ლევან ჯანგველაძის მკვლელობის გახმაურებულ საქმეზე, დღეს დაიწყო არსებითი განხილვა და თან ოფისი ჩაგვიკეტეს, პირველ პროცესს ვერ დავესწარი!
ყველა მასალა მესამე სართულზეა, ჩვენს კომპიუტერებში, საიტი ბენ ანორმა გათიშა, ორშაბათს გაზეთი ვერ გამოვა… არ გვაქვს წვდომა ელფოსტებზე, ვერ ვპასუხობთ სარეკლამო წინადადებებს, ვერ ვაშუქებთ ყოველდღიურ საიმიჯო ნიუსებს.
ამ ბრძოლასაც მოვიგებთ ღირსებით და სიმართლით‼️
სიმართლე სინათლეა🙏” – წერს ელისო კილაძე ფეისბუქის პირად გვერდზე.
ინფორმაციისთვის: როგორც მედიაჰოლდინგ “ქრონიკა+”-ის დამფუძნებელმა და მთავარმა რედაქტორმა, ელისო კილაძემ 8 იანვარს დილით განაცხადა – “ბენ ანორმა გათიშა საინფორმაციო სააგენტო CNews Exclusive • ახალი ამბები-ის საიტი (ჰქონდა წვდომა) სრულიად პარალიზებული ვართ ორივე მედიასაშუალება‼️” და რეაგირებისთვის მიმართა სამართალდამცავ ორგანოებს. რამდენიმე საათის შემდეგ კი გაავრცელა ინფორმაცია, რომ “მორჩა გამოკითხვა, ვბრუნდები ოფისთან და ლაივში მოგიყვებით დეტალებს‼️
გამოძიება დაიწყო ჟურნალისტური საქმიანობის ხელის შეშლის ფაქტზე‼️
ბენ ანორი და ზურაბ თოდუა ორივე დასაჭერია‼️” და საკუთარი ფეისბუქის გვერდზე განხორციელებულ Live-ჩართვებში დეტალური განმარტებები გააკეთა შექმნილ მდგომარეობასთან დაკავშირებით.
