პარტია “ფედერალისტების” ერთ-ერთ ლიდერი, თამარ ჩერგოლეიშვილი საზოგადოების გარკვეულ ნაწილში გავრცელებულ მოსაზრებასთან დაკავშირებით თავის პოზიციას აფიქსირებს კონკრეტული მძიმე მინიშნებებით:
“რუსეთის დამარცხება ავტომატურად ბიძინას დამარცხებას არ ნიშნავს.
არ დაუჯეროთ ჰარიჰარალე იდიოტებს.
ახლა რა ვითარებაც გვაქვს, ამ ვითარებით, რუსეთის დამარცხება ჩვენთვის დამარცხებული რუსეთის ჭაობში ჩარჩენას ნიშნავს.
სანამ ისეთი დემოკრატიული ალტერნატივა არ გაძლიერდება, რომელში შემავალი პარტიები თავად არიან დემოკრატიულები, აქვთ ქვეყნის განვითარების ხედვა და ამ ხედვაში საქართველოს მოქალაქეები თავის ინტერესს ხედავენ, ჩვენ რუსულ ჭაობში ვიქნებით.
ვერ მიიღებს ამერიკის მხარდაჭერას ის ოპოზიცია, რომელიც ამერიკას ატყუებდა რომ სააკაშვილი მოწამლულია და დემენცია აქვს – ეს შეუძლებელია. ვერ მიიღებს ამერიკის მხარდაჭერას ოპოზიცია, რომელიც ვაშინგტონში მხოლოდ იმ მიზნით ჩადის რომ მისი კონკურენტები გადაფაროს ქართულ ბაზარზე და არავის წარმოადგენს, გარდა საკუთარი თავისა.
ანუ არ დაუჯეროთ მეგობრებო ლოთბაზარა ჰარიჰარალეებს.
პუტინი მარცხდება და ჩვენ დამარცხებული პუტინის ჭაობში ვრჩებით იქამდე, ვიდრე ოპო პარტიებს თავზე ჩამოფხატული მიშას ფოხნებისგან გათავისუფლება, ერთობის დარღვევად მიაჩნიათ.
ამ ჭაობიდან გავაღწევთ მაშინ, როცა დემოკრატიული პარტიები გავხდებით მეინსტრიმი და ავტოკრატებს (ყველა ფლანგზე) რქებს მოვამტვრევთ.
ანუ დემოკრატიული პარტიების გარეშე რეჟიმის ცვლილება ვერ მოხდება“, – წერს თამარ ჩერგოლეიშვილი სოციალურ ქსელში.
