სფეის იქსის, ტესლას, პლატფორმა X-ის მფლობელი, ამერიკელი მილიარდერი ილონ მასკი, სოციალურ ქსელში გამოქვეყნებულ პოსტში, მწვავე ნეგატიურ პოზიციას აფიქსირებს USAID-ის საქმიანობასთან დაკავშირებით და ამ მხრივ მძიმე მინიშნებებს აკეთებს არასამთავრობო ორგანიზაციებთან მიმართებაში, რასაც კონკრეტული შეფასებებით ეხმაურება “ქართული ოცნების” ერთ-ერთი ლიდერი, გიორგი ვოლსკი:
“ფაქტია, რომ აშშ-ს არანაირ პრაგმატულ ინტერესს არ უკავშირდება არასამთავრობო ორგანიზაციების მეშვეობით ქვეყნების მართვის პოლიტიკა, რასაც ადგილი ჰქონდა.
არანაირად არ არიან დაინტერესებულნი ქაოსით და დესტაბილიზაციით, თუნდაც საქართველოში.
მასკის განცხადებას, ემოციურის გარდა, თან ახლავს წმინდა პრაგმატული შინაარსი, რასაც უნდა დაუფიქრდეს ყველა – რა ხდება საქართველოში და არის თუ არა არასამთავრობო ორგანიზაციები ის სტრუქტურები, რომლებიც ქვეყნის ინტერესებზე ზრუნავენ, თუ არის ე.წ. მე-5 კოლონა, რომელიც გარედან მიღებულ დავალებებს ასრულებენ, რათა ქვეყანაში პოლიტიკური ვითარება შეიცვალოს და ყველაფერი წავიდეს იმ ნგრევის პროცესისკენ, რომელიც დღეს აინტერესებს, თუნდაც, ბრიუსელს“, – აცხადებს გიორგი ვოლსკი.
