“ჩვენთვის ალეკო ელისაშვილის დღევანდელი ქმედება მიუღებელი და გაუმართლებელია” – “ძლიერი საქართველო ლელო”

კოალიცია “ძლიერი საქართველო ლელო” განცხადებას ავრცელებს ალეკო ელისაშვილთან დაკავშირებით:

“ჩვენთვის ალეკო ელისაშვილის დღევანდელი ქმედება მიუღებელი და გაუმართლებელია.

ალეკო ელისაშვილი არაერთხელ გამხდარა რეჟიმის მხრიდან უსამართლობისა და ძალადობის მსხვერპლი და მისი აღიარება დასტურია, რომ ეს არის რეჟიმის წინააღმდეგ ერთი ადამიანის თავგანწირული ქმედება.

რეჟიმს არ უნდა მივცეთ საშუალება, რომ სისტემური ძალადობითა და უსამართლობით სასოწარკვეთილებამდე მიგვიყვანოს და უარი გვათქმევინოს ტირანიასთან ბრძოლის მშვიდობიან და კანონიერ გზებზე, რაც იყო და იქნება „ძლიერი საქართველო- ლელოს“ ამოსავალი პრინციპი“, – ნათქვამია გავრცელებულ განცხადებაში.

ინფორმაციისთვის: 29 ნოემბერს, დილით, შსს-მ განცხადება გაავრცელა ალექსანდრე ელისაშვილთან დაკავშირებით.