აშშ-სა და საქართველოში დაგეგმილი არაბული ინვესტიციების შედარებას ახდენს პარლამენტის ყოფილი დეპუტატი, საქართველოს ეროვნული ბანკის ყოფილი პრეზიდენტი, ეკონომისტი რომან გოცირიძე:
“ქართული ოცნების” პროპაგანდას ახალი თემა გაუჩნდა: საამიროები ამერიკაში 1,4 ტრილიონი დოლარის ოდენობის ინვესტიციების ჩადებას აპირებენ მომავალი ათი წლის განმავლობაში.
ვნახოთ რაზეა საუბარი. ესაა ინვესტიციები წარმოებასა და მაღალტექნოლოგიურ სფეროში, კერძოდ:
– ტექნოლოგიები:
ხელოვნური ინტელექტი, ნახევარგამტარები, მონაცემთა ცენტრები და ინფრასტრუქტურა;
-ენერგეტიკა და ქიმიური წარმოება:
ბუნებრივი აირის მოპოვება, ენერგოინფრასტრუქტურა, დაბალი ნახშირბადის ტექნოლოგიები და ა. შ.;
– წარმოება და მრეწველობა:
აშშ-ი წარმოების განვითარების ხელშეწყობა;
– კრიტიკული რესურსები და მინერალები:
ალუმინის წარმოება, იშვიათი მინერალების მოპოვება და გადამუშავება.
რა სახის ინვესტიციებია საქართველოში?
მდიდრული კოტეჯების მშენებლობა და გაყიდვა ძირითადად უცხოეთის მოქალაქეებზე, მათ შორის მუდმივად ცხოვრების მიზნით.
არის თუ არა განსხვავება ამერიკაში და საქართველოში განსახორციელებელ ინვესტიციებს შორის? ვინმე უარს იტყოდა იმ სახის ინვესტიციებზე, რომელსაც საამიროები ამერიკაში განახორციელებს?
პრობლემა ინვესტიციების წარმომავლობაში კი არ არის, არამედ მის შინაარსშია“, – აცხადებს რომან გოცირიძე.
