“ეს არის უკვე შემობრუნების წერტილი ამ ომისთვის” – მიხეილ სააკაშვილი რუსეთ-უკრაინის ომთან დაკავშირებით

საქართველოს მე-3 პრეზიდენტი, მიხეილ სააკაშვილი პოლიტიკურ შეფასებას აკეთებს რუსეთ-უკრაინის ომში დღეისათვის არსებულ ვითარებასთან დაკავშირებით:

“სრულიად აშკარაა, რომ ფართოდ რეკლამირებული ფართომასშტაბიანი რუსული საზაფხულო შეტევა უკრაინაში, სრული კრახით დასრულდა და რუსები ბოლომდე გაიჭედნენ.

მათ ვერ აიღეს ვერცერთი ოდნავ მაინც მნიშვნელოვანი დასახლებული პუნქტი და ახლა უკვე ბევრგან უკრაინელები არიან კონტრშეტევაზე გადასული. ეს არის უკვე შემობრუნების წერტილი ამ ომისთვის.

ამას დაემატა ის, რომ ამერიკამ უკრაინას გადასცა 3400-დე 450 კმ-იანი რადიუსის საავიაციო რაკეტა და ეს არის ყველაზე გრძელი წვდომის დასავლური იარაღი, რომელიც აქამდე მიუღია უკრაინის ჯარს.

თავად უკრაინამაც დაიწყო საკუთარი 3000 კმ-მდე რადიუსის რაკეტების სერიული გამოშვება“, – აცხადებს მიხეილ სააკაშვილი.