ადგილობრივი თვითმმართველობის არჩევნებში მონაწილეობა/არმონაწილეობასთან დაკავშირებით დისკუსია საკმაოდ მწვავე ხასიათს იღებს, არის კონკრეტული შეკითხვები, რაზეც პასუხების მოლოდინებია. კონკრეტული შეკითხვები აქვს ასევე ტელეკომპანია “კავკასია”-ს გენერალურ დირექტორს, ნინო ჯანგირაშვილს:
“ვინმემ, ვინც აპირებს ადგილობრივ არჩევნებში მონაწილეობას ან ვინც მოუწოდებს არჩევნებში მონაწილეობისკენ, ამიხსნას:
1. წესი, რომლის წყალობით ოცნებამ ფურცელზე დაწერილი პირადი ნომრებით მიაცემინა ხმა კარუსელებით ათასობით ადამიანს და დაიმატა ასობით ათასი ხმა, შეიცვალა? ადგილობრივ არჩევნებზე ვეღარ დაიწერს ამ წესით ხმებს? ვეღარ გახსნის ქოლცენტრებს, ვეღარ წაართმევს ხალხს პირადობებს, ვეღარ გამოიყენებს ადმინისტრაციულ რესურსს, ტერორს და მოსყიდვას?
2. 2024–ის არჩევნების შემდეგ მიღებულმა კანონებმა ოფიციალურად გასანადგურებელ სამიზნედ გამოაცხადა მედია, არასამთავრობოები, აქტივისტები, რეპრესიები დაკანონდა და რეჟიმი უფრო სასტიკი გახდა. თუ 2024–ში ვერ შევძელით არჩევნების გაყალბებისგან დაცვა, 2025–ში როგორ ვიცავთ?
ახსენით, ვინ როგორ და რატომ უნდა მიიღოს არჩევნებში მონაწილეობა და რისი იმედი გაქვთ ან მონაწილეებს, ან იმათ, ვინც მონაწილეობისკენ მოუწოდებს.
თუ ამ კითხვაზე პასუხები არ გაქვთ ყველას შეგიძლიათ წახვიდეთ რუსკი კარაბლის და ახლა უკვე რუსული სტრატეგიული ავიაციის მესამედის მიმართულებით.
მასხრად აიგდეთ ბებიათქვენები!” – წერს ნინო ჯანგირაშვილი ფეისბუქის პირად გვერდზე.
