სამართლიანობის აღსადგენად და ილიას სახელმწიფო უნივერსიტეტისთვის სრული ავტორიზაციის მინიჭებისთვის ბრძოლაში უნივერსიტეტის რექტორის, ნინო დობორჯგინიძის უდიდეს როლსა და მის სამოქალაქო პოზიციაზე ამახვილებს ყურადღებას ქართველი ისტორიკოსი, საქართველოს რესპუბლიკის პირველი მოწვევის უზენაესი საბჭოს წევრი, საქართველოს დამოუკიდებლობის აქტზე ხელმომწერი, ბეჟან ჯავახია:
“ილიაუნმა და განსაკუთრებით მისმა რექტორმა გუშინ ქართულ საზოგადოებას დაუმტკიცა, რომ ყოველთვის აქვს ბრძოლას მნიშვნელობა.
სანიმუშო იყო ამ პირობებში ეს ბრძოლა, სრულიად უკომპრომისო, არცერთხელ დაუხევია უნივერსიტეტს რეჟიმის უსამართლობის წინაშე უკან. პირიქით რექტორს, რომელმაც უსამართლო სასამართლოში ხარისხის სამსახურს უჩივლა არცერთი ნაბიჯით არ დაუხევია უკან. ის იდგა თავის სტუდენტებთან ერთად ყველა დღე საპროტესტო აქციებზე. (დააფიქსირეს კიდევაც სასტვენით, როგორ დგას რუსთაველზე…)
ეს არის სანიმუშო მაგალითი უნივერსიტეტის ერთობისა, ის მართლაც ახალი უნივერსიტეტია, რომელმაც ჩააბარა დიდი გამოცდა ამ დღეებში. მესმის დიდი დრო დავკარგეთ ამ უსამართლობის გამოსასწორებლად, მაგრამ ეს ბრძოლა სანიმუშო იქნება ჩვენი ისტორიისათვის!!!
ამ სასტიკი უსამართლობის პერიოდში ის დარჩა ერთადერთ თავისუფალ კუნძლად და ძალიან მიხარია, რომ ამ კუნძულზე მეც მაქვს ადგილი…“, – წერს ფეისბუქის პირად გვერდზე ბეჟან ჯავახია.
