“იქნება ძალიან რთული ბრძოლა, მათ შორის, პრეზიდენტ ტრამპსა და “დიფ სთეითს” შორის” – ირაკლი კობახიძე

“იმედი LIVE”-ს ეთერში “დიფ სთეითთან” დაკავშირებით ისაუბრა მთავრობის მეთაურმა, ირაკლი კობახიძემ და ამ მხრივ, ყველანაირი მოვლენების განვითარების ვარაუდი გამოთქვა:

“მშვიდობის დამყარება ჩვენს რეგიონში და “დიფ სთეითის” დასუსტება პირდაპირაა დაკავშირებული ერთმანეთთან. ზუსტად იმდენად, რამდენადაც შეძლებს პრეზიდენტ ტრამპის ადმინისტრაცია “დიფ სთეითის” დასუსტებას, იმდენად სწრაფად დამყარდება მშვიდობა ჩვენს რეგიონში. ეს 2 მოვლენა ერთმანეთთან პირდაპირაა დაკავშირებული.

მთავარი და პრინციპულია “დიფ სთეითის” დამარცხება და ეს იქნება ძალიან რთული ბრძოლა, მათ შორის, პრეზიდენტ ტრამპსა და “დიფ სთეითს” შორის. რამდენადაც შეძლებს პრეზიდენტი ტრამპი “დიფ სთეითის” დასუსტებას, დამარცხებას, იმდენად გაძლიერდება აშშ, იმდენად გაძლიერდება ევროპა და ევროკავშირიც.

ვნახოთ, როგორ წარიმართება პროცესები. ჩვენ ყველანაირი მოვლენების განვითარებისთვის უნდა ვიყოთ მზად.

ჩვენ ისეთი რთული პროცესები გამოვიარეთ, გასული სამი წლის განმავლობაში, რომ ვფიქრობ, ამის იქით ვერავინ ვეღარ მოგვერევა“, – განაცხადა ირაკლი კობახიძემ.