პარტიის ,,ჩვენ” ლიდერი, დავით ქაცარავა სოციალურ ქსელში სტატუსს აქვეყნებს, სადაც საუბრობს საქართველოს ოკუპირებული ტერიტორიების ბედთან დაკავშირებით მმართველი პარტიის პირობებში:
,,რამდენიმე დღის წინ ბიძინა ივანიშვილის მიერ გამოცხადებული ბოდიშის ინიციატივა არ ყოფილა წამოცდენა ან გაუგებრობა. ეს გახლავთ აფხაზეთის და სამაჩაბლოს საბოლოო ჩაბარების და შესაბამისად, საბოლოოდ დაკარგვის გეგმაზომიერი კამპანიის ნაწილი.
ბოდიშის ანონსის შემდეგ, გუშინ, რუსეთის საგარეო საქმეთა მინისტრმა, ლავროვმა გააკეთა შემხვედრი განცახდება და თქვა, ,,რადგან საქართველოს ხელისუფლება აცნობიერებს და აღიარებს წარსულის შეცდომებს, რუსეთი მზად არის ქვეყნებს შორის (‼️სამხრეთ ოსეთი, აფხაზეთი, საქართველო‼️) შერიგების პროცესს შეუწყოს ხელი”.
აქ კი იკვეთება კონფედერაციის მოდელი.
რუსეთი არ აპირებს უკან გაიწვიოს აფხაზეთისა და ე.წ. სამხ. ოსეთის აღიარება, რაც ნიშნავს იმას, რომ “ბოდიშის” მოხდის შემდეგ რუსეთი იცილებს ოკუპანტის სტატუსს, ხდება “მომრიგებელი”, ამით კი სამუდამოდ “აპრავებს” თავისი სამხედრო ბაზების დისლოკაციას ოკუპირებულ ტერიტორიებზე.
“შერიგების” ერთადერთ მოდელად კი ქოცმთავრობას უტოვებს კონფედერაციულ მოწყობას, რაც ავტომატურად ნიშნავს აფხაზეთისა და ე.წ. სამხ. ოსეთის დამოუკიდებლობის აღიარებას, რის გარეშეც კონფედერაცია ვერ შედგება.
ამ მოდელით აფხაზეთი და სამაჩაბლო სამუდამოდ დაიკარგება.
სოციალურ ქსელში უკვე შემოგდებულია თემა – იყოს ასეთი შერიგება და კონფედერაციული მოწყობა, აბა სხვანაირად როგორ დავიბრუნებთ ჩვენს ტერიტორიებს?
ეს არ არის არც კომპრომისი და არც გამოსავალი, ახლოსაც არ არის ტერიტორიების დაბრუნებასთან, ეს არის ეროვნული ინტერესების ღალატი და ჩვენი მიწა-წყლის მტრისთვის საბოლოოდ გადაცემა.
ერთადერთი გზა სიტუაციის გამოსასწორებლად გახლავთ ქართული ოცნების, მოღალატე მთავრობის გაშვება მის ბუნებრივ გარემოში, რუსეთში.
26 ოქტომბერს უკლებლივ ყველა მივდივართ არჩევნებზე და ვამარცხებთ რუსულ ოცნებას!”, – წერს დავით ქაცარავა.
ავტორი
ნინი ხიჯაკაძე
