“მიხეილ სააკაშვილი ისჯება ქვეყნის სიყვარულისთვის, იმისათვის, რომ მან ყველაფერი გააკეთა ჩვენი ქვეყნის დასავლური კურსისთვის” – სოფო ჯაფარიძე

თბილისის საქალაქო სასამართლოში საქართველოს მე-3 პრეზიდენტის, მიხეილ სააკაშვილის მორიგი სასამართლო პროცესი გაიმართა, რასთან დაკავშირებითაც პოლიტიკური შეფასებები გააკეთა ,,ერთიანი ნაციონალური მოძრაობის“ თბილისის ორგანიზაციის თავმჯდომარემ, სოფო ჯაფარიძემ:

„ეს არის მორიგი პოლიტიკურად მოტივირებული პროცესი, რომელსაც რეალურად სამართალთან არანაირი კავშირი არ აქვს. მიხეილ სააკაშვილი ისჯება ქვეყნის სიყვარულისთვის, იმისათვის, რომ მან ყველაფერი გააკეთა ჩვენი ქვეყნის დასავლური კურსისთვის, მაგრამ 26 ოქტომბრის შემდეგ ეს ყველაფერი აუცილებლად დასრულდება, ჩვენ გვექნება დამოუკიდებელი სასამართლო. რომელიც ასე ჭირდება ჩვენს ქვეყანას და თითოეულ ჩვენს მოქალაქეს. დამთავრდება ჩვენს ქვეყანაში პოლიტიკური პატიმრობა და იზეიმებს სამართალი“, – განაცხადა სოფო ჯაფარიძემ.

ინფორმაციას “ერთიანობა – ნაციონალური მოძრაობის” პრესსამსახური ავრცელებს