ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” საუბრობს ,,ქართული ოცნების“ პროცენტულ მაჩვენებელზე 2020 წლის საპარლამენტო არჩევნებიდან გამომდინარე, ასევე, თუ რა მოლოდინები უნდა იყოს 26 ოქტომბრის საპარლამენტო არჩევნებისთვის:
,,2020 წელს, მაშინ გახსოვთ, რომ მე ვიყავი ,,ოცნების“ პირველი ნომერი, მაშინ იყო კოვიდი, მე მაშინ გამიკვირდა – დიდი რაოდენობით ამომრჩეველი მოვიდა. ეს იყო 1 მლნ 990 ათასი, 2 მლნ-ს აკლდა ცოტა, მაშინ ,,ოცნებამ“, რომელსაც ძალიან პოზიტიური და ძლიერი კამპანია ჰქონდა, აიღო 900 000 ხმა.
2021 წელს – უკვე მუნიციპალურ არჩევნებზე, მოვიდა დაახლოებით 1 მლნ 800 ათასი – 100 000-ით ნაკლები, მაშინ ,,ოცნებამ“ აიღო 800 000 ხმა. მოდით, ყველანი შევთანხმდეთ, რომ იმდენად მნიშვნელოვან არჩევნებს ველოდებით, მე დარწმუნებული ვარ, რომ 2 მლნ ადამიანი – დაახლოებით იმდენი, რამდენიც კოვიდის დროს მოვიდა, რა თქმა უნდა, არჩევნებზე მოვა.
60% რომ მიიღოს ,,ოცნებამ“, უნდა დაიმატოს 400 000 ხმა.
თქვენს სანაცნობო წრეში, თუ არსებობს 1 ადამიანი, ძალიან რომ მოგინდეთ და იპოვით თუ არა, რომელიც 2020 წლამდე ,,ოცნებას“ ხმას არ აძლევდა არასოდეს და ახლა გადაწყვეტს ,,ოცნებას“ მისცეს ხმა?!
მე ვიცი უამრავი ადამიანი, რომელიც აძლევდა ,,ოცნებას“ ხმას, სჯეროდა ,,ოცნების“, უზარმაზარ ნდობას უცხადებდა ,,ოცნებას“, დღეს 2020 წლიდან 4 წლის გასვლის შემდეგ, არცერთ შემთხვევაში, ,,ოცნებას“ ხმას არ მისცემს.
,,ოცნება“ რასაც იტყუება, ეს ნიშნავს იმას, რომ მათ დამატებით ბოლო არჩევნებიდან 800 000 ხმა ჰქონდათ მიღებული, 400 000 დამატებით ახალი ხმა უნდა მიიღონ. ეს არის ოცნება“, – განაცხადა გიორგი გახარიამ.
ავტორი
ნინი ხიჯაკაძე
