,,სტრატეგია აღმაშენებლის” ახალგაზრდული ორგანიზაციის ერთ-ერთი ლიდერი, ლექსო სარალიძე სააგენტო ,,პარალელთან” პოლიტიკურ შეფასებას აკეთებს ,,ქართული ოცნების” საარჩევნო სიის პირველი ოცეულის წარდგენასთან დაკავშირებით:
,,საოცნებო შემადგენლობა ნამდვილად ვერ გამოიყვანა ბიძინა ივანიშვილმა 2024 წლის არჩევნებზე. თუმცა, გამოიყვანა ის, რაც ამ სახედაკარგული ,,ოცნებისგან” ჯერ კიდევ დარჩა.
ახალი არაფერი ყოფილა ოცეულში. ალბათ, ყველა მოველოდით რამოდენიმე სპორტსმენს. ეს მათი არჩევანია, რომელიც ნამდვილად გულდასაწყვეტია ჩვენთვის, იმ ადამიანებისთვის, რომლებიც რამდენიმე კვირის წინ მათ ოლიმპიადაზე ვგულშემატკივრობდით. თუმცა, ახლა მათ აირჩიეს არა საქართველოს მომავლის გვერდით დგომა, არამედ მათ ზურგს უკან ამოფარებული ხელისუფლების, რომელსაც არანაირი რესურსი არ აქვს ხელისუფლებაში დარჩენის.
სწორედ ამის მაგალითია პოლიტიკიდან ორჯერ წასული და ორივეჯერ მობრუნებული ბიძინა ივანიშვილის 12 წლის შემდეგ პირველად სიაში გამოჩენა. მან ძალიან კარგად იცის, რომ მისი გუნდი ისეთ ცუდ ფორმაში როგორც დღესაა, არასდროს ყოფილა და ამიტომ ცდილობს ფსევდო პატრიოტული დაპირებებით საზოგადოების ყურადღების მიქცევას. მისი მობრუნება პოლიტიკაში ნიშნავს არა საკუთარივე შექმნილი საფრთხისგან საზოგადოების დაცვას, არამედ საკუთარი თავის გადარჩენას.
26 ოქტომბერს ვამარცხებთ ივანიშვილს და დავიწყებთ ახალი ტიპის სახელმწიფოს მშენებლობას”, – განაცხადა ლექსო სარალიძემ.
ავტორი
ნინი ხიჯაკაძე
