კორონავირუსის პრევენციის მიზნით ავიაკომპანია „ვიზეარი“ ქუთაისის აეროპორტიდან იტალიის მიმართულებით ფრენების სიხშირეს ამცირებს, – ამის შესახებ „აეროპორტების გაერთიანებიდან“ იუწყებიან.
მათივე ცნობით, კომპანია “Wizz Air”-ი ქუთაისიდან მილანის მიმართულებით კვირაში 4 სიხშირით დაფრინავდა, თუმცა სიხშირეების შემცირების შემდეგ, ავიაკომპანია ქუთაისი-მილანი-ქუთაისის საჰაერო ხაზზე ოპერირებას კვირაში ერთხელ (პარასკევი) მოახდენს. სიხშირეების შემცირება ეხება 12 მარტიდან 2 აპრილის ჩათვლით პერიოდს.
ქუთაისი-რომის მიმართულებაზე სიხშირეები შემცირდება 18 მარტიდან 25 მარტამდე პერიოდში. ქუთაისი-რომი-ქუთაისის მიმარულებაზე “Wizz Air”-ი კვირაში ორჯერ (ოთხშაბათი-შაბათი) ოპერირებდა და 25 მარტამდე კომპანია რეისებს მხოლოდ შაბათობით განახორციელებს.
რაც შეეხება ბოლონიის მიმართულებას, 17 მარტიდან 24 მარტამდე “Wizz Air”-ი ფრენებს კვირაში ორის ნაცვლად, მხოლოდ ერთხელ განახორციელებს.
ქუთაისი-ბარი-ქუთაისის საჰაერო ხაზზე კი 12 მარტიდან 2 აპრილამდე პერიოდში გაუქმდა 3 ფრენა.
ავტორი
ლიკა დევდარიანი
სააგენტო “პარალელის”
რეგიონალური კორესპონდენტი
