“ეთნიკურ და კონფესიურ ურთიერთობათა ცენტრის” ხელმძღვანელი, ანალიტიკოსი ლელა ჯეჯელავა, შოვის ტრაგედიიდ წლისთავს ემოციური პოზიცია-შეფასებებით ეხმაურება:
“შოვის ტრაგედიიდან ერთი წელი გავიდა. გახსოვდეთ, რომ ჩვენ, ყველამ ერთად, ეს უმძიმესი ტესტი ვერ ჩავაბარეთ. ჭირსა შიგან გამაგრება გვჭირდება და არა დამუნჯება.
ერთი წლის თავზე ვიცით კი როგორ გადიან ამქვეყნიურ ჯოჯოხეთს დაღუპულთა ოჯახის წევრები? აღარც თოჯინა ვიცით სად არის და აღარც ცოლის და სამი შვილის დამკარგავი მამა ხო?! აღარც ის მოგვიკითხვს სტიქიისა და “ღვთის რისხვის” გარდა ვინმეს პასუხისმგებლობა იყო თუ არა ამ უმძიმეს ტრაგედიაში. ან რაში გვჭირდებოდა?
იმაზე ადვილი რა არის ღმერთს და მის რისხვას გადააბარო ყველაფერი. ძალაუფლებაში მყოფი კაცისთვის არის ძნელი პასუხის მოთხოვნა, თორემ “ღმერთო, რატომო?” – კითხვას წინ რა უდგას?
გულგრილობა ჰქვია ამას ყველაფერს, მეგობრებო და ახლა გინდა გეწყინოთ და გინდა – არა!” – წერს ფეისბუქის პირად გვერდზე ლელა ჯეჯელავა.
