“ერთიანობა – ნაციონალური მოძრაობის” ტურნე გრძელდება. დღეს “ერთიანობის” ლიდერები კახეთში ადგილობრივ მოსახლეობას შეხვდებიან.
როგორც “ერთიანობის” ერთ-ერთი ლიდერი სერგო ჩიხლაძე აცხადებს, 26 ოქტომბრამდე ისინი ყველა ქალაქსა თუ სოფელს მოივლიან, შეხვდებიან ყველას და საბოლოოდ 26 ოქტომბრის გამარჯვების შემდეგ მყისიერად დაიწყება საქართველოს ევროკავშირში გაწევრიანების პროცესი:
“ერთიანობის ტურნე გრძელდება, დღეს ვიქნებით კახეთში, თელავში.
26 ოქტომბრამდე ვიქნებით ყველგან, ყველა სოფელში, ყველა მუნიციპალიტეტში, ყველა ქალაქში, დიდში თუ პატარაში შევხდებით ასობით ათას ჩვენს ამომრჩეველ თანამოქალაქეს.
26 ოქტომბერს ვიმარჯვებთ და 26 ოქტომბრიდან იწყება ახალი თავი საქართველოს ისტორიაში, რასაც ჰქვია საქართველო ევროკავშირში, რასაც ჰქვია რეფორმები, რასაც ჰქვია განვითარება, რასაც ჰქვია ქვეყნის და ოჯახების გამდიდრება და რასაც ჰქვია საქართველოს ევროპული მომავალი. ამისთვის მოსახლეობა მზად არის, ამისთვის ჩვენ მზად ვართ.
ჩვენ ვართ მოტივირებულები, აუცილებლად ვიქნებით ყველა ქალაქში, ყველა სოფელში თითოეულ ქართველს, თითოეულ საქართველოს მოქალაქეს შევხდებით 26 ოქტომბრამდე”, – განაცხადა ჩიხლაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
