სამართალდამცავ ორგანოებში დაწყებულ გამოძიებას, ბიძინა ივანიშვილის წინააღმდეგ ტერაქტის მოწყობასთან დაკავშირებით, ირონიანარევი შეფასებებით ტელეკომპანია ფორმულას ჟურნალისტი, ვახო სანაია ეხმაურება:
“ფიცოს და ტრამპის ამბის მერე ბიძინამ გადაწყვიტა, რომ კაი იქნებოდა, თუ მასაც ,,მოკლავდნენ”. იფიქრა, კაი დროა ახლა ამ ზღაპრის ხალხისთვის შესაჩეჩებლადო.
კობახიძე და მდინარაძე გამოვიდნენ და ამ ყველაფერს ევროკომისარ ვარჰეისთან სატელეფონო დიალოგიც დაუკავშირეს – მკვლელობით ვარჰეი დაგვემუქრაო და ესეც მტკიცებულებაა, როგორ გვებრძვის ,,გლობალური ომის პარტიაო”.
ვარჰეი პირდაპირ უნგრეთის ლიდერის (ქოცებს რომ ძალიან უყვართ) ორბანის კაცია.
გამოდის, რომ ვარჰეი დაკავშირებულია ,,გლობალური ომის პარტიასთან”, რადგან მკვლელობით დაემუქრა ბიძინასა და კობახიძეს ანუ ,,გლობალური ომის პარტიის” დამაბარები გადასცა.
რადგან ვარჰეი ორბანის კაცია, ცხადია, ორბანია მისი ზემდგომი და ,,გლობალური ომის პარტიის” ლიდერი ან ერთ-ერთი ლიდერი.
ანუ ორბანი შეთქმულია და ბიძინას სწორედ ის კლავდა.
ასე გამოდის.
აი, ამ ყ*ეობებს უყვებიან ხალხს და ყოველდღიურად შეურაცხყოფას აყენებენ“, – წერს ფეისბუქის პირად გვერდზე ვახო სანაია.
