“ბიჭო, თუ ბოიკოტში ხარ, მაშინ ადექი და მანდატი დატოვე! თქვი, რომ არ მინდა ამ პარლამენტში მუშაობა!” – ირაკლი ზარქუა ოპოზიციას მიმართავს

საპარლამენტო უმრავლესობის წევრი, ირაკლი ზარქუა ჟურნალისტებთან მწვავე კომენტარს აკეთებს ოპოზიციის მიერ გამოცხადებულ ბოიკოტთან დაკავშირებით:

,,რადიკალები ყოველგვარი არგუმენტის გარეშე არიან დარჩენილნი… ოპოზიციაში ხარ, წინ არის არჩევნები, ინტერესი უნდა იყოს, რომ დაესწრო, თუ რამე გაქვს – განსხვავებული აზრი, არგუმენტი, იქ უნდა წარმოადგინო. იმიტომ, რომ შენ შენ თავს ხომ არ ეკუთვნი?! მოსახლეობის მხარდაჭერით მოხვდი პარლამენტში. ამას არ აკეთებენ. რატომ? – იმიტომ, რომ რამდენჯერაც შევიდნენ პოლემიკაში ბატონ კობახიძესთან, იმდენჯერ დამარცხდნენ, როგორც ლიდერთან პარლამენტში.

დროსაც ეკონომიკური ზრდა გვაქვს საკმაოდ მაღალი, სადაც თავისუფლების ინდექსმა საქართველო 45 სახელმწიფოს შორის მოაქცია, სადაც კანონის უზენაესობით, თავისუფალი ვაჭრობით, მათ შორის, საზოგადოებაში სასამართლო სისტემის მიმართ ნდობით, ევროპის რამდენიმე სახელმწიფოს ვუსწრებთ, ამ საქართველოს პრემიერ-მინისტრი არის ბატონი კობახიძე და ახლა ამას რა უნდა დაუპირისპირო?! რა უნდა ელაპარაკო?! როგორ უნდა შევიდნენ დისკუსიაში?! ბუნებრივია, აირჩიეს მათთვის კომფორტული რამ.

ე.ი. ,,ჩვენო დავტოვეთო პარლამენტიო, ხელფასებს იღებენ, უბრალოდო სესიებს არ დავესწრებითო”. რა კომფორტულია, ხომ? თან ხელფასს იღებ, თან ,,ამათი დანახვა არ გვინდაო”.

ბიჭო, თუ ბოიკოტში ხარ, მაშინ ადექი და მანდატი დატოვე! თქვი, რომ არ მინდა ამ პარლამენტში მუშაობა! ააა, ხელფასები აღარ გექნებათ მერე?! ასე კომფორტულია, ხო? თან ხელფასი აიღოთ პარლამენტიდან, თან ბოიკოტი მოიგონოთ, თან NDI-დან დაფინანსებები აიღოთ. მაგარია, ორმაგი შემოსავლები გაქვთ…”, – განაცხადა ირაკლი ზარქუამ.

ავტორი
ნინი ხიჯაკაძე