პრემიერ-მინისტრი, ირაკლი კობახიძე, გერმანიაში მიმდინარე უკრაინის მხარდამჭერ ფორუმზე, ჟურნალისტებთან კომენტარს აკეთებს ქართულ-უკრაინულ ურთიერთობებთან დაკავშირებით:
,,რა თქმა უნდა, მნიშვნელოვანია მსჯელობა იმ ღონისძიებებზე, რომლებიც უნდა განხორციელდეს იმისათვის, რომ აღდგეს უკრაინა, როგორც კი დამყარდება მშვიდობა ჩვენს მეგობარ ქვეყანაში.
ქართველი ხალხი გამოირჩევა განსაკუთრებული სოლიდარობით უკრაინელი ხალხის მიმართ. ჩვენ გვაკავშირებს განსაკუთრებული ისტორიული ურთიერთ-დამოკიდებულება.
ხელისუფლებებს შორის არის სირთულეები, ეს ყველაფერი გამოიწვია არსებითად კონკრეტულმა გადაწყვეტილებებმა, მათ შორის, მოხდა საქართველოდან უკრაინის ელჩის გაწვევა, უკრაინაში საქართველოს ელჩის ფაქტიური გაძევება უკრაინიდან. მე ვიტყოდი, ეს არ იყო მართებული ნაბიჯები. თუმცა, ეს ხელს ვერ შუეშლის ჩვენს სწრაფვას იქითკენ, რომ მაქსიმალური დახმარება აღმოვუჩინოთ უკრაინელ ხალხს.
ვერავითარი პოლიტიკური გადაწყვეტილებები წინ ვერ დაუდგება ჩვენს პასუხისმგებლობას ვიზრუნოთ უკრაინელი ხალხისთვის.
კიდევ ერთხელ დავაფიქსირებ დღეს საქართველოს პოზიციას იმ მოვლენებთან დაკავშირებით, რომლებიც ვითარდება რეგიონში რუსეთის სამხედრო აგრესიასთან დაკავშირებით. კიდევ ერთხელ გამოვხატავ ჩვენს მხარდაჭერას უკრაინის სუვერენიტეტისა და ტერიტორიული მთლიანობის მიმართ”, – განაცხადა ირაკლი კობახიძემ
