საქართველოს მე-3 პრეზიდენტი, მიხეილ სააკაშვილი აშშ-ს კონგრესში საქართველოს შესახებ ჩატარებულ მოსმენას ეხმიანება და უკმაყოფილებას გამოხატავს ევროკავშირში ყოფილი ელჩის, ნატალია საბანაძის მიმართ:
“ამერიკის კონგრესში რამდენიმე კონგრესმენმა დამიჭირა მხარი. ასევე ძალიან ობიექტური იყო ელჩი უილიამ კორტნიც.
და ვინ გაამართლა ჩემს მიმართ მიმდინარე უსამართლობა?
იმავე ადამიანმა, რომელიც წლების განმავლობაში მხარს უჭერდა ივანიშვილის პოლიტიკას მანამ, სანამ პრემიერ გახარიასთან ასოცირების გამო, არ გაუშვეს ელჩობიდან – ნატალია საბანაძემ.
უფრო სწორედ, მან სცადა გამართლება, თუმცა კონგრესმენ სტივ კოენის მხრიდან მიიღო კიდევაც ღირსეული პასუხი, ჩემი უფლებების დარღვევაზე და პოლიტიკურ პატიმრობაზე“, – აცხადებს მიხეილ სააკაშვილი.
