ხელისუფლების მხრიდან შესაძლო პრობლემების შემქმნელ გადაწყვეტილებებზე საუბრობს ანალიტიკოსი, ჟურნალისტი არჩილ გამზარდია და დასავლეთის მხრიდან სანქციების დროულ საჭიროებას ხედავს:
“არავის გაგიკვირდეთ და არ გაგეცინოთ, თუ მალე “ქართული ოცნება” კაცებს გრძელ თმას, შორტებს და ა.შ. აუკრძალავს, ხოლო ქალებს შარვალს, მოკლე თმას და ა.შ.
ხელისუფლებას სიმახინჯეების მიღების ისეთი ტემპი აქვს აღებული, ერთის გააზრებას ვერ ვასწრებთ, მეორე მოსდევს, შემდეგ მესამე და ა.შ.
საზოგადოებრივი ფოკუსი ვერ კონცენტრირდება სახელისუფლებო მანკიერებებზე მათი სიმრავლის გამო და ამ პროცესს ჯერჯერობით ვერაფერი აჩერებს.
ამიტომ უნდა იყოს სანქციები პერსონალური, მძლავრი და კომპლექსური როგორც აშშ-ს, ასევე ევროპისგან. ესეც მხოლოდ უკუკავშირის ფრაგმენტია“, – წერს ფეისბუქის პირად გვერდზე არჩილ გამზარდია.
