“დიახაც, “ვარდების რევოლუციის” ხელისუფლებამ გამოაცხადა კურსი საქართველოს ევროპაში ინტეგრაციაზე” – მიხეილ სააკაშვილი

ქვეყნის მე-3 პრეზიდენტი, მიხეილ სააკაშვილი კონკრეტულ ფაქტებს იხსენებს წინა ხელისუფლებებთან დაკავშირებით და საქართველოს ევრო-ატლანტიკური ინტეგრაციის მხრივ კონკრეტული წვლილის შეტანის შესახებ საუბრობს:

“თურმე „ტიკ-ტოკზე“ ავრცელებენ, რომ შევარდნაძემ გამოაცხადა პირველი კურსი – ევროპა. გეგონება, სააკაშვილის დრო არ ყოფილა… მხოლოდ მე არ ვარ მარტო, ხომ? შევარდნაძის დროს ჩვენ გვესმოდა ერთი და იგივე რაღაც, პრეზიდენტის მთავარ განცხადებად იყო ხოლმე მეცხრე რეაქტორი ჩაირთო თუ გამოირთო. როგორც წესი ამას გვატყობინებდა პრეზიდენტი.

ვის გახსენდებათ, იმ დროიდან, ევროპაზე კურსი ან ევროატლანტიკურ თანამშრომლობაზე კურსი?! ან რომც გამოეცხადებინა ასეთი კურსი, სად იყო ამის შესაძლებლობა? დიახაც, „ვარდების რევოლუციის“ ხელისუფლებამ გამოაცხადა კურსი საქართველოს ევროპაში ინტეგრაციაზე. ვარდების რევოლუციის ხელისუფლება იყო შექმნელი ,,აღმოსავლეთ პარტნიორობის” და მის საფუძველზე შეიქმნა შემდეგ უკვე ასოცირების ხელშეკრულება და უვიზო მიმოსვლა ევროპაში. მე ამით ძალიან ვამაყობ. ვამაყობ იმ გუნდით, რომელმაც ეს გააკეთა მაშინ“, – განაცხადა მიხეილ სააკაშვილმა.

ავტორი
ნინი ხიჯაკაძე