პარტია ,,ქართული ოცნების” თავმჯდომარე, ირაკლი ღარიბაშვილი თავის პოზიციას აფიქსირებს პრეზიდენტ სალომე ზურაბიშვილის მიერ შეთავაზებულ ,,ქართულ ქარტიასთან” დაკავშირებით და მწვავე შეფასებებს აკეთებს ოპოზიციასთან მიმართებაში:
,,რა ქარტიაზე ლაპარაკობს ადამიანი, რომელსაც რამდენიმე თვე დარჩენია პრეზიდენტობის ვადის ამოწურვამდე. ერთი რამ მინდა საზოგადოებას შევახსენო, – ჩვენ კარგად ვხედავთ, რაც ხდება ამ ქარტიის გარშემო.
ადამიანებს, საერთოდ, თავმოყვარეობა აქვთ დაკარგული. ვგულისხმობ, ოპოზიციურ პარტიებს. ის ადამიანები, რომლებიც სალომე ზურაბიშვილს მოიხსენიებდნენ რეზიდენტად, აღარ გავაგრძელებ რა ეპითეტებით მოიხსენიებდნენ, ეს ადამიანები დგანან მის გარშემო გაერთიანებულები. მათ თავად ჩაანაცვლეს საკუთარი ბელადი ახალი ბელადით, სალომე ზურაბიშვილს ვგულისხმობ და რაღაც დიდ გაუგებრობაში არიან.
თურმე ე.ი. ჯერ უნდა მოუგონ ქართველ ხალხს და ,,ქართულ ოცნებას” ამ არჩევნებში. ამ ქაოსმა უნდა მოიგოს, როგორც ჩვენმა კოლეგებმა დაარქვეს – ომის გაერთიანებამ უნდა მოიგოს თურმე არჩევნებში, შემდეგ უნდა დაანგრიონ სახელმწიფო ინტერესები და ინსტიტუტები, შემდეგ ახალ არჩევნებში შეიყვანონ ქვეყანა 1 წლის თავზე…
რაღაც დიდ გაუგებრობაში არიან. რაც მალე, ასე ვთქვათ – შეეგუებიან რეალობას, მით უკეთესი მისთვის [სალომე ზურაბიშვილისთვის] და ყველა მის გარშემო შემოკრებილი ,,ლუზერისთვის”, – განაცხადა ირაკლი ღარიბაშვილმა.
ავტორი
ნინი ხიჯაკაძე
