“ქართული ოცნების” საპატიო თავმჯდომარე, ბიძინა ივანიშვილთან დაკავშირებით მძიმე, სკანდალურ შეფასება-განმარტებებს აკეთებს ანალიტიკოსი გია ხუხაშვილი:
“ბოლო დღეებში ბევრი ადამიანი მეუბნება, რომ დავურეკო ბიძინას.
აუცილებლად დავურეკავდი, მაგრამ ვთვლი, რომ ამას აზრი არა აქვს შემდეგი მიზეზით:
ჩემის აზრით, ბიძინა თავისი კოლაბორაციონიზმის ზღვარზე გამავალი კაპიტულანტური პოლიტიკის შედეგად ე.წ. “მშვიდობის” სახელით, დღეის მდგომარეობით, საერთოდ ჩამოშორებულია გადაწყვეტილებების მიღების პროცესს და მხოლოდ უსიტყვო შემსრულებელია იმ დირექტივებისა, რომელიც მოდის ჩრდილოეთიდან, ისევე როგორც მისი დირექტივების უსიტყვო შემსრულებელია ე.წ. “ქოც-ელიტა”.
არ ვიცი ის საკუთარი შეცდომების მძევალია, თუ შეგნებული არჩევანის მსხვერპლი. ამას ისტორია გაარკვევს. დღეს კი ამ კითხვაზე პასუხს არა აქვს პრინციპული მნიშვნელობა.
მას ახლა ამოძრავებს მხოლოდ თვითგადარჩენის ინსტიქტი, აფექტურია. შესაბამისად, არც თვითონ დამელაპარაკება და რომც დამელაპარაკოს, საუბრის შინაარსი იქნება ლოგიკის მიღმა, შესაბამისად უშედეგო“, – წერს ფეისბუქის პირად გვერდზე გია ხუხაშვილი.
